Ashtu siç edhe u paralajmërua më herët nga Guvernatori Gent Sejko, Banka e Shqipërisë ka vendosur të rrisë blerjen e euros në tregun e brendshëm valutor për të stabizilizuar tendencën mbiçmuese të lekut ndaj saj. Nga kufiri prej 220 milionë eurosh i përcaktuar në fillim të këtij viti, Banka e Shqipërisë ka çuar në 300 milionë, për të ulur kështu disi volumin shumë të lartë të monedhës së përbashkët europiane që qarkullon në tregun shqiptar. Vendimi vjen edhe pasi Banka e Shqipërisë ka blerë deri në këtë fazë të vitit rreth 170 milionë euro në tregun e brendshëm, duke ju afruar ndjeshëm kufirit maksimal prej 220 milionë euro të përcaktuar në fillim të vitit.
Gjithsesi, sipas ekspertëve të pyetur nga televizioni Scan, tërheqja nga tregu i brendshëm i 170 milionë eurove nuk dha asnjë efekt të dukshëm në frenimin e tendencës nënccmumese të euros për gjysmën e parë të vitit. Ata parashikojnë që zor se shtimi i blerjeve me 130 milionë euro për pjesën e mbetur të vitit të jape efekte domethënëse në frenimin e tendencës nënccmumese të monedhës së përbashkët evropiane.
Banka e Shqipërisë është gjendur së fundmi nën presion nga eksportuesit, si dhe aktorë të tjerë të varur nga monedha e përbashkët europiane, të cilët po vihen në vështirësi nga një nënçmim kaq i fortë i saj.
Ndërkohë që vetë Banka e Shqipërisë sheh më shumë efekte pozitive se negative nga forcimi i vazhdueshëm i lekut në raport me euron. Sipas saj, forcimi i lekut në raport me valutat ka ardhur nga përmirësimet strukturore të ekonomisë shqiptare, proces i nisur vite më parë. Në thelb të këtyre përmirësimeve qëndrojnë sipas Bankës së Shqipërisë remintancat, turizmi, investimet e huaja, sidomos blerjet e pasurive të patundshme nga jorezidentët.
Lorenc Rabeta/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
