Asambleja e Korporatës Elektroenergjetike Shqiptare ka pezulluar çmimet e shtrenjtuara të shitjes së energjisë për Operatorin e Shpërndarjes së Energjisë Elektrike, duke lënë në fuqi tarifat aktuale. Burime të sigurta konfirmuan për TV se vendimi është marrë në datën 5 dhjetor, ndërsa pas tij pritet aplikimi i ri OSHEE-së, që duhet të depozitohet pranë Entit Rregullator të Energjisë, lidhur me kostot që duhet të përfshihen në përcaktimin e çmimit.
Kjo nënkupton se fasha e energjisë për konsumin mbi 800 kWh/muaj nuk do të aplikohet as për dhjetorin, muajin e fundit ku parashikohej tarifimi me 2 blloqe, sipas vendimit të muajit shtator. tërhqeja nga shtrenjtimi i energjisë vjen në një kohë kur situate hidrike në Kaskadën e Drinit pësoi përmirësim, si pasojë e rreshjeve të shiut, duke bërë që importet të ndalen dhe paralelisht të kryhen edhe disa proceduar për shitjen e energjisë.
Po ashtu, u arritu të sigurohet edhe një kontratë depozitimi për vitin që vjen. Sa I takon zyrtarizimit për mosaplikimin e fashës 800 kwh, vendimi zyrtar pritet të merret nga Entit Rregullator të Energjisë, por sikurse është argumentuar edhe në mbledhjet e kaluara, çmimi reflekton kostot e blerjes së energjisë dhe në kushtet kur nuk ka ndryshim të tyre, atëhere edhe çmimi final nuk ndryshon. Kjo nënkupton se tarifimi i energjisë do të bëhet vetëm me një fashë, teksa i gjithë konsumi do të faturohet me 9.5 lekë/kWh, pa TVSH.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
