Gjatë 2022 grupi i sigurimeve Eurosig-Insig Jetë dhe Jo-Jetë në Shqipëri dhe Kosovë, ka realizuar mbi 60 milionë euro prime nga ku ka paguar rreth 20 milionë euro dëmshpërblime.
Gjithashtu ka shënuar rritje dyshifrore, duke zënë vendin e dytë në tregun e sigurimeve dhe vendin e parë në sigurimet motorike me mbi 24 %. Grupi Eurosig-Insig shënoi rritje me rreth 20% në pagesat e dëmeve, duke kaluar mesataren e tregut.
Ndërkaq, grupi ka performuar në përputhje me objektivat e vendosura për vitin 2022 nga ku ka rezultuar në tejkalim plani. Investimet në grup janë shtuar në mbi 20 milionë euro vetëm gjatë 2022, gjithashtu ishte vit sfidues pasi Eurosig mori mazhorancën prej 66 % të UBA Bank në Shqipëri. Investimet e Grupit do të vijojnë edhe në të ardhmen në shërbim të qytetarëve shqiptarë.
Numri i klientëve që kanë siguruar pronën është rritur me 3.2% gjatë 2022. Në fjalën e tij Moria, shprehu edhe keqardhjen për viktimat e tërmetit shkatërrues në Turqi, dhe për t’u ardhur në ndihmë familjeve të dëmtuara, ai bëri me dije se grupi Eurosig-Insig dhe UBA Bank dhurojnë 30,000 euro.
“Me këtë rast dua të shpreh keqardhjen time për viktimat e tërmeteve shkatërruese në Turqi, uroj që familjet e dëmtuara të rikuperohen sa më shpejt të jetë e mundur. Duke ndjekur situatën e rëndë atje, Grupi Eurosig-Insig dhe UBA Bank akordojnë 30,000 euro në ndihmë të familjeve të dëmtuara nga tërmetet e frikshme”, u shpreh ai.
Duke u kthyer pas në kohë e duke kujtuar tërmetin e 2019, ku trtegu i sigurimeve vërtetoi që është i mirëkapitalizuar, pasi rimbursoi rrethg 50 milionë euro për dëmet e shkaktuara, Morinaj u ka bërë thirrje qeverisë Shqiptare që sigurimi i pronës të bëhet i detyrueshëm.
“I bëj thirrje Qeverisë shqiptare që ta bëje të detyrueshëm sigurimin e Pronës dhe në këtë mënyrë Qeveria nuk ka pse të lodhet akoma me rindërtimet e tërmetit, pasi këto do i kishin kryer kompanite e sigurimeve. Sigurimi i pronës siguron që të dëmtuarit nuk do ta kalojnë jetën nëpër çadra, por do të rimbursohen në kohë rekord.”, tha Morinaj.
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
