Strategjia për Menaxhimin e Financave Publike është hedhur për Konsultim publik, ku fokus ka përcaktimin e rrugës për rivendosjen e financave publike ku krijon një parakusht për rritjen ekonomike. Por përpos saj, rëndësi të konsiderueshme theksohet në relacion se ka kjo strategji pasi përbën edhe një detyrim që rrjedh nga marrëveshjet me partnerët ndërkombëtarë, në veçanti me Bankën Botërore, Fondin Monetar Ndërkombëtar dhe Bashkimin Evropian.
Strategjia është një nga katër kushtet e përgjithshme që duhet të plotësoje Shqipëria në mënyrë që të disbursohen fondet e instrumentit të Mbështetjes Buxhetore.
Qëllimi i përgjithshëm i strategjisë është të krijojë një sistem të menaxhimit të financave publike që garanton transparencë, llogaridhënie, disiplinë fiskale dhe efikasitet në përdorimin e burimeve publike për ofrimin e shërbimeve publike të përmirësuara dhe zhvillimit ekonomik dhe që siguron një integrim të lehtë të Shqipërisë në Bashkimin Evropian.
Strategjia është e strukturuar në gjashtë shtylla, me disa komponentë për secilën. Shtylla e parë është programimi Makroekonomik dhe Monitorimi i Riskut, planifikimi i integruar strategjik dhe buxhetor, monitorimi dhe raportimi transparent, menaxhimi dhe mobilizimi i të ardhurave, kontabiliteti dhe menaxhimi i Zbatimit të Buxhetit, Kontrolli i Brendshëm Financiar Publik si dhe Mbikëqyrja e Jashtme
Vijimësia e Menaxhimit të Financave Publike, është thelbësor për të rritur efektivitetin e shpenzimeve buxhetore dhe për të krijuar një mjedis më produktiv për shpenzime në afat të mesëm dhe afatgjatë.
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
