2.11% e energjisë humbi në rrjetin e transmetimit gjatë vitit 2022. Sipas të dhënave zyrtare nga Operatori i Sistemit të Transmetimit kjo shifër ka mbetur në nivele thuajse të pandryshuar, që prej vitit 2019, duke u pasuar me shpenzime të larta për mbulimin e tyre.
Në vitin 2019, shpenzimet arritën në rreth 1.4 mld lekë, teksa 2022-i do të ishte pasuar me shpenzime tejet të larta për shkak të rritjes së çmimeve në tregjet ndërkombëtare.
Megjithatë, një kontratë shit-blerjeje e miratuar në shtator të vitit që shkoi përcaktoi se Korporata Elektorenergjetike Shqiptare do të duhej t’i shiste energji OST-së për mbulimin e humbjeve në rrjet, ndërkohë që çmimi për 1 Mëh do të ishte rreth 73 euro/Mwh, një vlerë ndjeshëm më e ulët se tregu.
Kontrata u miratua nga Enti Rregullator i Energjisë, ndërsa sipas relacionit shoqërues, përcaktohej se ajo ishte lidhur në kuadër të periudhës së gjendjes së emergjencës në furnizim. Në 6 muajt e parë të vitit që shkoi çmimi mesatar me të cilin u ble energjia nga OST për mbulimin e humbjeve sipas Entit Rregullator të Energjiisë sihte 263.8 euro/Mwh.
Ndërkaq, kontrata e miratuar nga ERE, për shit-blerjen e kësja energjie me një çmim të favorshëm prej 73 euro/Mëh do të ishte në fuqi deri në dhjetor 2022, ndërkohë që deri më tani nuk është miratuar një kontratë e re.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
