Qeveria shqiptare fton sipërmarrësit italianë të investojnë në vendin tonë duke shpalosur edhe potencialet që Shqipëria ka në fusha si bujqësia, energjia e rinovueshme , infrastruktura apo turizmi. Ndërkohë që edhe nga pala fqinje është theksuar interesi për të rritur prezencën e kompanive të mëdha.
Bujqësia është një ndër sektorët më me interes për sipërmarrjet italiane dhe kryesisht në sjelljen e njohurive për të fuqizuar kompanitë shqiptare të prodhimit me qëllim rritjen e eksporteve.
“Kompanitë italiane janë të interesuara për të ardhur në Shqipëri dhe për të mbështetur agrikulturën shqiptare që sot has vështirësi të shumta sidomos nga pikpamja teknologjike. Sipërmarrjet italiane mund të sjellin dije dhe eksperiencën e tyre me qëllim rritjen e prodhimit si dhe të cilësisë dhe kështu rritjen e eksporteve në shtetet Europiane.”
Formumi Italian i Eksportit bëri bashkë përfaqësues të qeverive dhe të sipërmarrjeve të të dy shteteve, duke shërbyer si një pikë takimi për rritjen e mëtejshme të bashkëpunimit dhe ndërmarrjen e hapave konkrete.
Elisabeta Dosku/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
