Gjatë një takimi me homologun e tij kroat, Boris Vujçiç, Guvernatori i Bankës së Shqipërisë, Gent Sejko, theksoi se Kroacia mund të shërbejë si udhërrëfyes në procesin e integrimit të Shqipërisë në BE.
Gjatë takimit, Guvernatori Sejko u shpreh se, pavarësisht situatave sfiduese, ekonomia shqiptare ka vijuar të rritet dhe të shënojë progres në thuajse të gjithë treguesit e stabilitetit ekonomik dhe financiar.
Gjithashtu, Sejko vlerësoi se konsolidimi fiskal dhe konvergjenca midis politikave makroekonomike mbeten faktorë përcaktues në zhvillimin e vendeve të rajonit.
Nga ana e tij, Guvernatori Vujçiç vlerësoi se aftësia e vendeve të rajonit të Ballkanit Perëndimor dhe veçanërisht e Shqipërisë në përballimin e krizave ka qenë mbresëlënëse.
Ai theksoi se këto zhvillime inkurajuese ofrojnë një platformë solide për rritjen ekonomike dhe procesin e konvergjencës me Bashkimin Evropian.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
