Muaji maj ka shënuar një rënie të lehtë të volumit të parave në qarkullim jashtë sistemit bankar. Banka e Shqipërisë raporton se totali i parave në qarkullim jashtë sistemit bankar në fund të majit rezultoi 398,6 miliardë lerkë nga 399.5 miliardë në muajin prill, vetëm pak ditë përpara zgjedhjeve vendore. Në prill patëm një rritje të këtij treguesi pas dy muajsh rënieje të vazhdueshme.
Vlera më e lartë e parave jashtë sistemit bankar sipas matjeve të Bankës së Shqipërisë i përket janarit të këtij viti, ku kjo vlerë arriti në thuajse 402 miliardë lekë.
Por me gjithë renien e shënuar në maj, volumi i parave jashtë sistemit bankar mbetet shumë i lartë në raport me vitet e mëparëshme.
Në janarin e vitit 2022, totali i parave që qarkullonin jashtë bankave ishte pak më shumë se 376 miliardë lekë, thuajse 25 miliardë lekë, apo rreth 250 milionë euro më pak nga sa qarkullojnë aktualisht.
Rritja e parasë në qarkullim jashtë kanaleve bankare është një fenomen që u shtua veçanërisht gjatë periudhës së Pandemisë, kur qytetarët tërhoqën shumë para’ për shkak të pasigurisë. Ajo që duhet nënvizuar se është se volumi i tyre jo vetëm që nuk u kthye në vlerat e dikurshme, por edhe vijoi në rritje të fortë muajt e fundit. Një masë kaq e madhe parash jashtë bankave është tregues i qartë të informalitetit të lartë të ekonomisë shqiptare.
Ndërkohë që vitet 2022 dhe viti zgjedhor 2023 ka qenë mjaft specifik sa i përket parasë për shkak të inflacionit, si dhe rritjeve të normës bazë të interesit nga ana e bankës së Shqipërisë.
Lorenc Rabeta/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
