Nisma e Qeverisë për të rritur pagën mesatare në nivelin e 900 eurove, është një mënyrë sipas pedagoges Merita Xhumari për të mbushur arkën e Institutit të Sigurimeve Shoqërore. Por shtesa në pagë, do të duhej të ishte shoqëruar edhe me rritjen e pensioneve.
“Sistemi i pensioneve është një varësi e drejtëpërdrejtë e sistemit të pagave. Efekti financiar dhe shteti nuk mund ti rrisë në një ditë pagat, pensionet. Rritja e pagave së fundmi besoj se ka pasur efekt ne rritjen e të ardhurave kontributive të sigurimeve shoqërore dhe menjëherë kjo duhet të shoqërohet edhe me rritje të pensioneve që të mos krijohet hendeku me paga të larta dhe pensione relatvisht të ulta”, shprehet Xhumari.
E ftuar në emisionin “Box to Box” Xhumari u ndal edhe tek domosdoshmëria për reformin e skemës aktuale të pensioneve. Ndryshime duhet të bëhen në formulën e llogaritjes së pensioneve, Një qytetarë, sipas saj, i cili ka derdhur kontribute për 15 vite nuk nuk mund të përfitojë një pension të barabartë me atë që trajtohet me pension social, çka do të thotë se nuk ka paguar asnjë vit kontribute.
Po ashtu me rëndësi është edhe barazimi i masës së kontributeve për të vetëpunësuarit në qytetet me të vetëpunësuarit në fshat. Këta të fundit megjithëse paguajnë më pak kontribute marrin të njejtën masë pensioni. Kujtojmë që barazimi i vlerës së kontributeve është përcaktuar edhe në ligjin e reformuar në 2015-n.
Ada Hazizolli/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
