Në kushtet e reja të sigurisë në Europë si pasojë e agresionit të Rusisë mbi Ukrainën vendet e Ballkanit Perëndimor duhet të ndërmarrin një sërë hapash për të konsoliduar rrugën e anëtarësimit në Bashkimin Europian përmes një ndërlidhjeje më të mirë të procesit të Berlinit”.
Sfidat që duhen trajtuar janë dhënë në një dokument politikash, të prezantuar gjatë tryezës me temë “Procesi i Berlinit në sfondin e ri të sigurisë në Evropë”, organizuar nga Fondacioni gjerman Friedrich Ebert.
Ndërkaq, sipas ambasadorëve të Gjermanisë dhe Bashkimit Europian në vendin tonë duhet të forcohen reformat në drejtim të shtetit të së drejtës.
Gjatë diskutimeve u theksua fakti i shkëputjes nga nisma të ngjashme sikurse ishte Open Ballkan, duke u fokusuar vetëm te bashkëpunimi rajonal sipas procesit të Berlinit, si një platfromë gjithëpërfshirëse me synim përparimin e vendeve të rajonit drejt Bashkimit Europian. Ky diskutim i parapriu Samitit të ardhshëm të Procesit të Berlinit të planifikuar në muajin tetor në Tiranë.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
