60 subjekte të tregtimit me shumicë dhe pakicë të karburanteve dhe të lëndëve djegëse, pajisjeve nën presion dhe instalimeve elektrike janë gjobitur nga Inspektorati Shtetëror Teknik dhe Industral përgjatë përiudhës janar – nëntor të këtij viti.
Sipas të dhënave të përpunuara nga TV , vlera totale e masave administrative arrin në 14 675 000 lekë, ndërkohë që disa prej shkeljeve të konstatuara lidhen me ushtrim i veprimtarisë e tij jo në përputhje me kërkesat ligjore dhe teknike, mungesë të dokumentacionit të nevojshëm lidhur me kontratat e furnizimit apo mungesë të projekteve teknike.
Po ashtu, shumë prej subjekteve janë penalizuar, pasi nuk kanë plotësuar në kohë detyrat e lëna nga inpektorët, ku nuk mungojnë as institucione arsimore si kopshte apo shkolla, ndërsa pjesë e penalizimeve me gjobë janë edhe subjektet që tregtojnë karburant jashtë normave të lejuara. Megjithatë, pavarësisht gjobitjeve të herë pas hershme, ISHTI duket se ka hasur vështirësi në mbledhjen e të gjitha detyrimeve nga subjektet.
Kjo pasi, ky dikaster publikoi listën e debitorëve, duke filluar nga vitit 2007 e deri në vitin 2020, duke renditur të gjithë subjektet publikë, privatë apo individë, të cilët nuk kanë likujduar detyrimet e që për pasojë rezutojnë borxhlinj ndaj këtij institucioni.
Vlera totale e këtyre detyrimeve arrinte në 127.6 mln, ndërkohë që 2020-a ishte viti me detyrimin më të lartë të papaguar, me 29.8 mln lekë, ndërsa që pas tij vinte viti 2015 me 18.9 mln lekë.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
