Enti Rregullator i Energjisë duhet të luajë një rol më aktiv në drejtim të rritjes së volumit të energjisë së tregtuar në Bursën Shqiptare të Energjisë Elektrike, si dhe bashkimin e tregjeve energjetike Shqipëri – Kosovë.
Kjo është një prej kërkesave të Kuvendit, ndaj ERE-s të përfshira në draftrezolutën për vitin 2024, që u miratua në Komisionin parlamentar të Veprimtarive Prodhuese.
Paralelisht, kërkohet që gjatë miratimit të planit të investimeve për kompanitë e energjisë, ERE të mbajë parasysh investimet në zonat turistike të vendit.
Projektrezoluta për vitin 2024 i lë detyra Entit Rregullator të Energjisë edhe në drejtim të sigurisë kibernetike.
Draftrezoluta parashikohet të miratohet në seancën plenare të së enjtes.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
