Në mbështetje të grave, vajzave të cilat zgjedhin teknologjinë si një mundësi për punësim apo dhe zhvillimin në karrierë, Tirana Bank ka ndërmarr një sër aktivitesh ku një ndër to është dhe “Këtu për edukimin, Këtu për vajzat dhe grate ne teknologji”. Në një bashkëpunim të ngushtë me Fakultetin e Teknologjisë së Informacionit të Universitetit Politeknik të Tiranës, u organizua një sesion i hapur për një auditor studentësh dhe punonjës të Tirana Bank.
“76% e stafit të Bankës sonë janë vajza dhe gra. Përqindjet tregojnë se në ato sisteme që krijojnë baza të shëndosha ka mundësi për zhvillim. Dhe ne besojmë në këtë kauzë po aq sa besojmë, se zhvillimi i të rinjve në një institucion është tregues i zhvillimit institucional” deklaron Anisa Keri , Drejtore e Departamentit të Burimeve Njerëzore në Tirana Bank.
Vlen për t’u përmendur vëmendja e vazhdueshme që Tirana Bank i kushton rekrutimit dhe mundësive të punësimit që ofron për studentët ambicioz, të cilet shohin të Banka një institucion të rendësishëm për përgatitjen dhe rrugëtimin e tyre profesional.
Dominanca femërore jo vetëm numerike, por po aq cilësore u faktua nga prezenca e Menaxhereve të larta të Tirana Bank, të cilat nuk nguruan të ndajnë me audiencën, rrugëtimin profesional dhe përvojat personale mbi sfidat, dhe arritjet. Pjesë e aktivitetit ishin dhe pedagogë dhe drejtues të Fakultetit të Teknologjisë së Informacionit. Dekania e Fakultetit Prof.Dr. Elinda Meçe, e cila mes eksperiencës personale rikonfirmoi se roli I gruas në shoqëri ka ndryshuar tërësisht sidomos në teknologji.
“Ne përgatisim profesionistët për sfidat që ju keni përditë. Misioni ynë është të përgatisim studentët. Në tërë rrugëtimin tone, bashkëpunimi me ju ështe një vlerë e shtuar dhe do ta vlerësoja shumë dhe ju përgëzoj për këtë nismë” deklaron Erlinda Meçe, Dekane e Fakultetit te Teknologjisë së Informacionit.
“Zonjat në teknologji”, ishte vetëm sipari hapës i bashkëpunimit mes Tirana Bank dhe Fakultetit të Teknologjisë së Informacionit. Mbështetja nga ana e Bankës, do të vijojë me mundësimin e praktikave studentore në programin Tirana Bank – Students Hub, zhvillimin e sesioneve të hapura për shkëmbime eksperiencash dhe krijimin e një laboratori me pajisje të fjalës së fundit të teknologjisë.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
