Këshilli i Ministrave ka miratruar ndryshimin e përgjegjësisë së administrimit, nga Ministria e Mbrojtjes te Fondi Shqiptar i Zhvillimit, të pronës me emërtim “Agjencia Lundër”, me vendndodhje në Lundër, Tiranë, zona kadastrale 2529. Refderuar vendimit, FSHZH do ta përdorë këtë pronë për ngritjen e një kompleksi argëtimi dhe sportiv.
Vendimi përcakton se Fondit Shqiptar të Zhvillimit i ndalohet ndryshimi i destinacionit të përdorimit të pronës.
“Fondi Shqiptar i Zhvillimit, përpara marrjes në dorëzim të pronës, të lidhë aktmarrëveshje me Drejtorinë e Përgjithshme të Rezervave Materiale të Shtetit, Komisionin Qendror të Zgjedhjeve dhe Ministrinë e Drejtësisë (Arkivin Shtetëror të Ministrisë së Drejtësisë), për plotësimin e nevojave të tyre, sipas projektit të paraqitur nga Fondi Shqiptar i Zhvillimit dhe dakordësuar midis palëve respektive, për të garantuar vazhdueshmërinë e funksionalitetit të këtyre institucioneve” përcakton vendimi.
Ngarkohen Ministria e Mbrojtjes, Ministria e Drejtësisë, Fondi Shqiptar i Zhvillimit, Komisioni Qendror i Zgjedhjeve dhe Agjencia Shtetërore e Kadastrës për zbatimin e këtij vendimi.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
