11.5 C
Tirana
E hënë, 3 Shkurt 2025

35 milion euro kredi për energjinë nga Italia – Marrëveshja në Kuvend, përmirësim i rrjetit të shpërndarjes pas tërmetit të vitit 2019

Duhen Lexuar

Pas 2 kredive të marra në muajt e parë të këtij viti për sektorin elektorenergjetik në vend, një tjetër marrëveshje huaje ka mbërritur në kuvend për miratim. Kredia e re nga qeveria italiane ka një vlerë prej 35 mln euro, ndërsa do të shkojë për përmirësimin e rrjetit të shpërndarjes të energjisë elektrike në Shqipërinë Veriore pas tërmetit të vitit 2019. Shuma e huasë parashikohet të shkojë për mbulimin e kostove për punimet civile, furnizimet me pajisje dhe shërbimet që do blihen përmes një oferte konkurruese, ndërmjet shoqërive ndërkombëtare.

Sipas relacionit, që shoqëron projekligjin në Kuvend, kredia u akordua gjatë konferencës së donatorëve, pas tërmetit të vitit 2019. “Në pikëpamjen strategjike, projekti do të ndikojë për përmirësimin e sistemit të shpërndarjes, duke u ofruar institucioneve dhe sektorit privat mundësi të reja dhe ndërlidhje të shtuar, të cilat lidhen drejtpërsëdrejti ose tërthorazi me procesin e pranimit dhe të integrimit në Bashkimin Europian”, –  thuhet ndër të tjera në relacion. Rreth një muaj më parë qeveria mori edhe 2 kredi nga 50 mln euro, për sektorin elektroenergjetik në vend.

Huatë e marra nga KfW gjermane dhe Agjencia Franceze për Zhvillim do të përdoren për financimin e projektit “Politika për mbështetjen e reformës në sektorin energjetik në Shqipëri” – faza II, teksa vitin e kaluar, nga Agjencia Franceze për Zhvillim u morën hua edhe 50 mln euro për të njëjtin qëllim. Nga fundi i vitit 2021, së bashku me kredinë prej 35 mln eurosh, që pritet të miratohet huaja për sektorin elektorenergjetik arrin në 376.5 mln euro, teksa pjesa më e madhe e projekteve realizohet nga Operatori I Shpërndarjes së Energjisë Elektrike.

Ola Mitre /

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications