Teksa pjesë të ultësirës perëndimore të vendit janë nën ujë për shkak të daljeve të lumenjve nga shtrati rrjedhojë e rreshjeve të ditëve të fundit, çështje mbetet menaxhimi i pasojave dhe dëmshpërblimet.
Sipas Adelina Farricit, drejtoreshë ekzekutive e Shoqatës për Autonomi Vendore, nëse dëmet e shkaktuara nga një fatkeqësi natyrore tejkalojnë 8% të buxhetit të bashkisë përkatëse ku fatkeqësia ndodh, menaxhimi i dëmit nuk është më përgjegjësi vetëm e të parës.
Farrici e vuri theksin tek bashkëpunimi i domosdoshëm i pushtetit vendor me atë qendror gjatë menaxhimit të pasojave të fatkeqësive natyrore, si në rastin konkret të përmbytjeve.
Adelina Farrici ishte e ftuar ditën e sotme në emisionin e mëngjesit Start ku foli për nevojën për rritjen e kapaciteteve të bashkive për menaxhimin e emergjencave civile.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
