Monedha europiane Euro vijon të jetë në nivelin minimal historik në raport me Lekun duke shkaktuar shumë humbje kryesisht tek bizneset eksportuese. Por ndërsa ka aludime për flukse hyrëse informale, Ministrja e Financave, Delina Ibrahimaj thekson se është bërë një analizë se cilat janë shkaqet e zhvlerësimit të euros, ndërkohë që shprehet se nuk do të ketë ndërhyrje që lehtësojnë bizneset e prekura.
Nga ana tjetër, bizneset që kanë të punësuar me pagë minimale ende nuk kanë aplikuar për përfitimin e kompensimit të kontributeve shoqërore. Ministrja sqaron se do të nisë procedura dhe procesi do të behet përmes e-albania.
Ministrja e Financave bëri një pasqyrë të ecurisë ekonomike përgjatë 3 muajve të parë të vitit, ku theksoi se rritja është regjistruar në 4.7 për qind të PBB dhe inflacioni mesatar ka ndjekur një trajektore rënëse në 6.5 për qind.
Elisabeta Dosku/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
