Çmimet e energjisë për konsumatorët familjarë në Hungari janë më të lirat në Europë, tha komisioneri i qeverisë për ruajtjen e sistemit të çmimeve të rregulluara të shërbimeve komunale në një konferencë për shtyp.
Duke cituar një raport të krahasimit të çmimeve të përpiluar nga Autoriteti Rregullator Hungarez i Energjisë dhe Shërbimeve Publike (MEKH), Szilárd Németh tha se çmimet e gazit dhe energjisë elektrike për konsumatorët familjarë ishin “dukshëm” më të ulëta se ato në vendet e tjera të rajonit, ndërsa diferenca ishte edhe më e madhe në krahasim me shtetet e tjera anëtare të Bashkimit Europian.
Çmimet e gazit për familjarët në Pragë janë katër herë më të larta se në Hungari, janë afër katërfishit në Varshavë dhe dy herë e gjysmë më shumë në Bratislavë dhe Bukuresht.
Në Stokholm, konsumatorët familjarë paguajnë 13 herë më shumë për gazin e tyre sesa në Hungari.
Çmimet e energjisë elektrike për familjarët në Çeki janë katër herë më shumë se në Hungari, dy herë e gjysmë më shumë në Poloni, dyfish në Sllovaki dhe afër dyfishit në Rumani.
Në Gjermani, çmimet e energjisë elektrike për familjet janë katër herë e gjysmë më të shtrenjta se në Hungari.
Németh tha se furnizimi me energji i Hungarisë ishte i sigurt si dhe i lirë, duke treguar se rezervat e gazit përmbajnë mjaftueshëm për të përmbushur kërkesat e familjeve për 155 ditë dimri.
Rreth 800 miliardë HUF (monedha kroate) janë caktuar në buxhetin e vitit 2025 për mbështetjen e skemës së rregulluar të çmimeve të shërbimeve për familjarët, shtoi ai./ Budapest Business Journal
Postimi ” Çmimet e energjisë për konsumatorët familjarë në Hungari janë më të lirat në Europë ” eshte marre nga Revista Monitor.
