Leku është monedha zyrtare, po shqiptarët po e përdorin euron më shumë sa paraja vendase. Një raport i Bankës Qendrore mbi ecurinë e procesit të deeuroizimit tregon se gjatë vit të shkuar u zgjeruan depozitat, kreditë, por edhe borxhi publik në valutë.
Vlera e parave në banka në valutë ishte sa 55 për qind e totalit sipas Bankës së Shqipërisë, ndërsa kredia sa 52 për qind e totalit të huave të dhëna gjatë 2022-shit.
Raporti nxjerr në pah se edhe borxhi publik në valutë ishte sa 51.3 për qind e detyrimeve totale që qeveria ka ndaj investitorëve apo institucioneve kredi-dhënëse.
Deeurozimi rezulton të ketë pasur ecuri pozitive vitin e shkuar vetëm në një drejtim…, atë të rritjes depozitave në lek me afat maturimi mbi një. Ky tregues ka arritur në nivelin 17.1 për qind, në rritje me 2.6 pikë përqindje krahasuar të njëjtën periudhë të 2021-shit.
Në vitin 2017, Banka e Shqipërisë, nën këshillat e Fondit Monetar Ndërkombëtar nënshkroi një memorandum me Ministrinë e Financave dhe Autoritetin e Mbikqyjres Financiare, me qëllim zgjerimin e përdorimit të monedhës kombëtare në sistemin financiar dhe në ekonominë vendase. Por, deri tani, efekti i këtyre masave ka qenë modest dhe euroizimi i sistemit financiar ngelet i lartë.
Burimi: A2 CNN
