Kryetari i Bashkisë Vlorë, z. Ermal Dredha foli në Scan Live për “bum-in” turistik dhe investimet strategjike, si Aeroporti i Vlorës që pritet të krijojë mbi 2.000 vende pune.
Dredha përmendi strukturat akomoduese si fokusin kryesor për përballimin e fluksit të turistëve, duke listuar disa nga zonat me më potencial për investime të reja.
“Ne duhet të jemi gati për vitin tjetër. Nëse ngjitesh në Kaninë, me sy të lirë dallon që i gjithë përqëndrimi i ndërtimeve është në Vlorë të vjetër apo në Lungomare. Edhe me sy të lirë e dallon që e gjithë harta e Vlorës ka hapësira pafund për t’i shfrytëzuar për qëllimin që ne kemi; investimin në rrjetin hotelier.
Më konkretisht, nga Radhima në Orikum, ashtu sikurse pjesa që lidhet me plazhin e vjetër e në vazhdim dejt Zvërnecit ku kemi dhe synimin tjetër për të pasur një infrastrukturë lidhëse shumë të mirë me Aeroportin e Vlorës” u shpreh Kryetari i Bashkisë Vlorë.
I pyetur mbi prioritetet gjatë hartimit të buxhetit për Bashkinë Vlorë, z. Dredha tha se fokusi do të jetë në infstrakturën e brendshme, menaxhimin e ujërave të zeza, ndriçimin, sigurinë dhe shkollat.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
