Qeveria pret që inflacioni të stabilizohet gradualisht që në vitin 2023, faktor që do të luajë edhe rol të dorës së parë në ecurinë e ekonomisë për tre vitet në vijim. Ajo parashikon që ekonomia të rritet mesatararisht me 3.9% në tre vitet e ardhshëm, në të kundërt të vitit aktual, i cili parashikohet të mbyllet me një normë të ulët prej 2.6%. Parashikimet janë pasqyruar në dokumentin e projektbuxhetit afatmesëm për periudhën 2024-2026. Specifikisht, qeveria parashikon që ekonomia të rritet me 3.8, 3,9, dhe 4% respektivisht për vitet 2024, 2025 dhe 2026.
Shifrat janë mjaft optimiste duke i krahasuar me parashimimet e Fondit Monetar Ndërkombëtar. Në raportin e fundit për Shqipërinë, i publikuar në prill të këtij viti, Fondi vlerësonte se ekonomia shqiptare do rritej me 2.2% në 2023. Gjithashtu FMN parashikon që rritja pritet të përshpejtohet në 3.3% ë vitin 2024 dhe të mbesë përafërsisht në këto nivele deri në 2028-n.
Për tre vitet e ardhshëm, qeveria pret që rritja të gjenerohet kryesisht nga kërkesa e brendëshme, konsumi dhe investimet. Konsumi privat pritet të jetë përsëri nxitësi kryesor i rritjes së Produktit të Brendshëm Bruto, stimuluar kryesisht nga përmirësimi i besimit të konusmatorit, si dhe nga përmirësimet nga tregu i puës. Pritet që këto të fundit të transformohen në rritje graduale të pagave, të cilat më tej pritet të stimulojnë të ardhurat reale të disponueshme të individëve. Të gjitha këto, sipas Qeverisë priten të ndodhin në një klimë më të lehtësuar të inflacionit, i cili do të kthehet në vlera normale që në vitin 2023. Ajo parashikon gjithashtu që ai të mbetet në nivelin 3% për të gjithë periudhën afatmesme 2024-2026.
Pëmrësimi i kushteve të individëve pritet të kthehet në më shumë kredi për konsum nga individët, si dhe lehtësim të procesit të kredidhënies nga bankat e nivelit të dytë.
Lorenc Rabeta/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
