Pas shumë mujash e depozituar në Kuvend, Komisioni i Ligjeve ka shqyrtuar nismën e deputetit Petrit Vasili për stimulimin e prodhimit të energjisë nga panalet diellore. Gjatë prezantimit, Vasili tha se Shqipëria ka të gjitha potencialet, jo vetëm për të mos importuar energji, por mbi të gjitha të jetë eksportuese”.
Në ndryshimet ligjore të propozuara nga deputeti, kërkohet që instalimi i paneleve diellore deri në 2 MW duhet të miratohet përmes procedurave të lehtësuara, ndërkohë që netimi duhet të jetë vjetor dhe jo mujor. Por, sipas përfaqësuesve të qeverisë ligji i ri që është depozituar në Kuvend adreson çështjen e netimit, ndërsa kërkesa tjetër nuk qëndron.
Komsioni shqyrtoi edhe pr.ligjin e qeverisë “Për nxitjen e përdorimit të energjisë nga burime të rinovueshme”, teksa deputeti Enkelejd Alibeaj shprehu shqetësimin se shumë kompetenca i lihen në dorë ministrit.
Ola mitre/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
