Miratimi i ndryshimeve ligjore në mbledhjen e fundit të qeverisë në lidhje me vetëprodhuesit e energjisë elektrike nga panele diellore, i hap rrugë lidhjes me rrjetin edhe për ata konsumatorë që kanë instaluar kapacitet më të lartë se 0.5 MW, që ishte kufizimi i deritanishëm.
Drejtori i Politikave të Energjisë, pranë Ministrisë së Infrastrukturës dhe Energjisë, Besjan Kadiu bën me dije për TV detajet, duke shtuar se kushti për këtë kategori do të jetë mospërfitimi i kompensimit për sasinë e energjisë të hedhur në rrjet.
Kadiu bën me dije dhe të dhënat më të fundit sa i takon konsumatorëve që kanë instaluar panele diellore për vetëprodhimin e energjisë elektrike.
Paralelisht me këto ndryshime, qeveria miratoi edhe rregulla të reja sa i takon investitorëve që aplikojnë për ndërtimin e centraleve të prodhimit të energjisë nga era.
Sipas Kadiut, ndryshimet ligjore pritet të lehtësojnë investimet në energji të rinovueshme.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
