Intervali kohor 15 minuta për proceset e tregut balancues të energjisë nuk mund të realizohet. Përmes një shkrese drejtuar Entit Rregullator të Energjisë, Operatori i Sistemit të Transmetimit bën me dije se anëtarët e tregut nuk disponojnë sistemet e nevojshme, duke bërë të pamundur zbatimit e këtij intervali në datën 1 korrik 2024, sikurse ishte parashikuar.
Aktualisht, balancimi i energjisë apo thënë ndryshe proceset ku përfshihen nominimet dhe llogaritjet respektive të disbalancave në tregun elektroenergjetik bëhet me intervalin kohor 1 orë, teksa aplikimi i intervalit 15 minutësh konsiderohet si pozitiv në qëndrueshmërinë e sistemit elektroenergjitik.
Në shkresë, OST bën me dije se platforma e menaxhimit të tregut e OST, si dhe sistemet e tjera mbështetësë përballojnë kalimin në rezolucionin 15 minutësh të proceseve respektive të tregut blancues. Ndërkohë që, janë kompanitë e tjera në treg që kanë kërkuar më shumë kohë për të ndërhyrë në përmirësimin e sistemeve të tyre. Më konkretisht KESH ka deklaruar se implementimi i rezolucionit 15 minutësh kërkon ndryshime softuerike dhe teknike të mënyrës aktuale të operimit në sistemin SCADA.
Në të njëtjën linjë janë edhe Devoll Hydropower, Ayen Energy dhe Kurum International apo Bursa Shqiptare e Energjisë Elektrike, ALPEX. Nisur nga kjo situatë, OST thekson se pothuajse të gjitha palëve ju nevojitet kohë e mjaftueshme lidhur me implementimet teknike dhe legjislative, por nuk propozon një afat konkret për këtë proces.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
