Kursi i këmbimit po tkurr shkëmbimet tregtare të Shqipërisë me Francën, të paktën në një drejtim, atë të vlerës.
Të dhënat nga Instituti i Statistikave tregojnë se nga 33.4 milionë euro në harkun e muajve janar-shtator 2022, eksportet e mallrave këtë vit kanë rënë në 32 milionë euro.
E njëjta ka ndodhur edhe me importet të cilat nga mbi 100 milionë euro në 9-mujorin janar-shtator të vitit të shkuar kanë rënë në 93.4 milionë euro duke u tkurrur kështu me 6.6 për qind.
Pavarësisht rënies në të dy kahet, Shqipëria vijon të ruajë një deficit të thellë tregtar me Francën, i cili përllogaritet në 61.4 milionë euro. Vendi importon 3 herë më tepër nga sa eksporton.
Tregtia e jashtme me superfuqinë e dytë të euros është bazuar kryesisht tek importet e ushqimeve, lëndëve djegëse dhe lëkurës. Nga ana tjetër, eksportet janë të orientuara veçanërisht te mineralet, tekstilet dhe ushqimet.
Shqipëria ka marrëdhënie ekonomike me Francën edhe në drejtim të investimeve, të cilat deri në qershor përllogariten në gati 440 milionë euro. Në raport me vitin 2018, investimet nga kompani franceze në Shqipëri janë thuajse dyfishuar.
Pavarësisht zhvlerësimit të euros, Shqipërinë e vizituan më shumë francezë se kurrë më parë.
Numri i turistëve nga Europa Qendrore deri në shtator përllogaritet në mbi 79 mijë nga rreth 52 mijë vitin e shkuar.
Burimi: A2 CNN
