Një taksë e planifikuar në Francë, mbi fitimet e kompanive energjitike gjatë krizës aktuale energjitike të Europës, mund t’i kushtojë gjigantit bërthamor EDF – cili aktualisht është i ngarkuar me borxhe – rreth 5 miliard euro vitin e ardhshëm. Taksa e cila është pjesë e projektligjit fiskal për vitin 2023 që parlamenti francez po shqyrton aktualisht, do ta bënte EDF-në kontribuesin më të madh në këtë skemë.
Qeveria franceze synon të vendosë taksën 100 euro për megavat orë për prodhimin e energjisë bërthamore dhe asaj të rinovueshme. Masa, e cila synon që të kufizojë fitimet nga cmimet e larta të energjisë për financimin e ndihmave për familjet dhe bizneset që po luftojnë me pasojat e inflacionit të lartë, vjen si pjesë e një politike më të gjerë të Bashkimit Europian, për të cilën është rënë dakord këtë vit.
Ky vendim do të rëndojë dhe më shumë financat e EDF-së, e cila pas paralajmërimeve të ndryshme për fitimet këtë vit lidhur me problemet në reaktorët e saj bërthamorë, është në proces të plotë shtetëzimi.
Autoriteti francez i tregjeve AMF bëri publike ofertën e shtetit për blerjen e EDF, rreth dy javë më vonë se sa pritej fillimisht në një marrëveshje që do t’i kushtojë qeverisë rreth 10 miliardë euro.
EDF më 3 nëntor uli për herë të fundit objektivin e prodhimit bërthamor për vitin 2022 duke fajësuar ndikimin e grevave të punëtorëve në orarin e mirëmbajtjes së reaktorit dhe ndërprerjet e zgjatura të mirëmbajtjes së katër reaktorëve të prekur nga korrozioni.
Dorina Kurtaj /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
