Fluturimet ajrore parashikohet të rriten me 32% gjatë vitit 2024, në raport me një vit më parë.
Ministrja e Infrastrukturës dhe Energjisë, Belinda Balluku teksa foli në Kuvend për ndryshimet e Konventës së Aviacionit Civil Ndërkombëtar tha se tendenca në rritje e fluturimeve do të vijojë edhe këtë vit, duke theksuar se shkak është shtimi i kompanive ajrore dhe destinacioneve që ato ofrojnë.
Balluku tha se shumë shpejt do të hapet edhe gara ndërkombëtare për aeroportin e Gjirokastrës.
Ndërkaq, sipas Ballukut, në pranverën e vitin 2025 parashikohet të vihet në funksion aeroporti i Vlorës, teksa punimet pritet të mbyllen në fund të këtij viti.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
