Ministrja e Arsimit dhe Sportit, Ogerta Manastirliu pas mbledhjes së qeverisë ka njoftuar se vendi ynë tashmë do të ketë një degë të re, ajo e kolegjit të Europës në Tiranë.
“Kemi miratuar një vendim të rëndësishëm sa i përket dimensionit europian të arsimit të lartë, pikërisht marrëveshjen që bën të mundur hapjen e degës së kolegjit të Europës në Tiranë. Jo vetëm që shënon një partneritet strategjik të Shqipërisë dhe institucioneve europiane por i hap mundësinë studentëve, profesionistëve të Shqipërisë por edhe të rinjve të Ballkanit Perëndimor për të studiuar në Tiranë në degën e kolegjit të Europës”, u shpreh Manastirliu.
“Kjo degë do të hap studimet për vitin 2024-2025, qeveria shqiptare është e angazhuar që nëpërmjet kësaj marrëveshje të inicioj edhe në ndërtimin e kapusit të kolegjit të europës dhe gjithashtu do të financoj deri në 5 bursa për studentët shqiptar”, tha ministrja.
“Për herë të parë një filial i një kolegji prestigjioz hap degën e tij në Shqipëri. Kampusi i Tiranës i kolegjit të Europës do të vij duke sjellë standarde të njëjta të kolegjeve të Europës Se Bruzhit dhe Natolinit dhe duke u bërë vendi i tretë që hap këtë degë”, tha Manastirliu.
N.Xh /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
