Inflacioni nuk mund të mungonte pa infektuar edhe 14 shkurtin. Si çiftet të cilat kanë prenotuar më parë në restorante, bare apo do ja lënë rastësisë, do detyrohen të paguajnë 15% më shtrenjtë në këtë ditë. Kryetari i restoranteve dhe bujtinave në tërësi, Besnik Dervishi tregon se pavarësisht çmimeve, rezervimet nuk janë ndalur.
Edhe në këtë ditë të gjendur përballë prenotimeve të shumta, restorantet ngrenë shqetësimin e mungesës së fuqisë punëtore.
Rritja e çmimeve është reflektuar jo vetëm tek restorantet por dhe tek hotelet, paketat e të cilave të publikuara që disa javë më parë e paralajmëronin këtë gjë. Rastisja e kësaj feste në ditë jave ka shtuar më së shumti prenotimet për darka.
Nga një vëzhgim i kryer nga Scan në disa prej hoteleve në kryeqytet çmimet variojnë nga 50 euro deri në 200 euro të cilat përfshijnë edhe pjesën dekorative. Lulet gjithashtu kanë pësuar një rritje ky më i preferuari trëndafili, varionte nga 350 lekë deri në 500 lekë. Ndërsa kompozimet e ndryshme me lule e çokollata në formë dhurate nga 1500 lekë deri në 20 mijë lekë.
Marinela Lina /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
