“Agjencia për Efiçencën e Energjisë në Prokurimet Publike ka shpallur tender me object studim, auditim dhe projekt zbatimi për klinikat në qëndrën Spitalore Universitare “Nënë Tereza”. Ekspertizat kanë dalë në konkluzionet që QSUT ka konsum të lartë të energjisë ndaj ky projekt pilot fokus do të ketë efiçencën e energjisë.”
Institucionet shëndetësore paraqiten të amortizuara, dhe kryerja e ndërhyrjeve me element të cilët kanë ndikim të lartë në performancën energjitike shihet me prioritet.
Objektivi i parë i këtij projekti pilot do të ketë projektimin me synim realizimin në një fazë të dytë të zbatimit të punimeve të cilat do të reflektojnë një ulje të konsumit të energjisë e më pas objektivi i dytë është sensibilizimi i institucioneve shëndetësore nëpërmjet demonstrimit në praktikë të auditimit energjitik.
Si fillim do të kryhet një auditim paraprak energjitik të godinave të përzgjedhura duke përfshirë edhe analizën e gjendjes ekzistuese. Ndërkohë në këtë qendër spitalore do të jenë të 27 ndërtesat ku respektivisht janë spitale, klinika si dhe ndërtesa administrative tek të cilat do të ndërhyhet.
“Në shumicën prej tyre vihen re plasaritje dhe dëmtime të fasadës si pasojë e lagështirës dhe mos ndërhyrjes në vite, dritare të vjetra, ndriçim me konsum të lartë të energjisë etj. Mungesa e mbështjelljes (sistem kapot) me performancë të lartë energjitike e bën akoma më të vështirë mbajtjen e ambjenteve në temperatura komforti ku humbjet e energjisë për të realizuar komfortin e duhur energjtitkë janë të mëdha. Gjithashtu, për ta bërë ndërhyrjen tonë akoma më gjithëpërfshirëse, do realizohet edhe përmirësimi i ndriçimit ekzistues me ndriçues efiçentë, si dhe do të konsiderohet vendosja e paneleve fotovoltaike për mbulimin e nevojës energjitike për nevojat vetjake.”, theksohet në dokumentet e tenderit.
Fondi limit do të jetë rreth 44 milionë lekë dhe kohëzgjatja e kontratës do të jetë 9 muaj.
“Qëndra Spitalore “Nënë Tereza” zë një sipërfaqe prej 165 mijë m2 dhe se karakterizohet nga ndërtesa 1-6 kate. Pavarësisht se numri i spitaleve është rritur vit pas viti, infrastruktura, ku bëjnë pjesë rrjetet e shërndarjes së ujit të pijshëm, energjia elektrike, uji i ngrohtë për dushe si dhe ngrohja e ambienteve të të gjitha ndërtesave në pjesën më të madhe, vazhdon të jetë jo efiçente. Ajo që duhet theksuar është se QSUT është një nga konsumatorët më të mëdhnj të energjisë me një konsum prej 1 milion KWh.”
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
