Për subjektet që realizojnë shkelje përtej masave paralajmëruese nga inspektoriatet, dënimet administrative do të jenë më të ashpra. Bizneset do të detyrohen të paguajnë gjoba më të larta në rast të mos respektimit të rregullave të përcaktuara Brenda afateve përkatëse.
Nëse më parë masa administrative gjobë për moskorrigjimin e parregullsive nga subjektet brenda afatit të përcaktuar kishte vlerën nga 10 000 deri në 20 000 lekë tashmë këto biznese që bëjnë shkelje, do të paguajnë gjobën nga 10 000 deri në 100 000 lekë. Kjo është masa e përcaktuar në projektvendimim e ndërmarrë nga qeveria me titull “Miratimin e Rregullores së Përgjithshme të Metodologjisë së përcaktimit të dënimeve administrative, në procesin e inspektimit në Republikën e Shqipërisë, e nxjerrë në konsultim publik.”
Përveç gjobës, dënimet administrative kryesore dhe plotësuese përfshijnë pezullim të autorizimit, lejes apo licencës, pezullim të aktivitetit, shfuqizim i autorizimit të lejes, konfiskimi i mjeteve të përdorura gjatë shkeljes së kërkesave ligjore etj.
Nëse më parë kjo masë gjobe deri në 100 mijë lekë ishte e përcaktuar për ato subjekte që pengonin punën e inspektoriatit tashmë do të jetë për të gjitha bizneset që nuk respektojnë afatet. Të drejtën e konstatimit dhe të shqyrtimit të kundërvajtjes e ka çdo trupë inspektuese e inspektoratit kompetent
Marinela Lina/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
