Rritja e çmimeve për shkak të krizës globale po shfaqet edhe në tregun e sigurimeve. Dëri në nëtor të këtij viti, kompanitë e sigurimeve kanë paguar rreth 39 milionë dollarë në formën e dëmshpërblimeve të mjeteve të përfshira në askisdente.
E dhëna vjen përmes Autoriteteit të Mbikqyrjes Financiare, e cila sapo ka piublikuar të dhënat e tregut të sigurimeve për periudhën janar-nëntor të këtij viti. Dëmet e paguara bruto në sigurimin motorik për periudhën janar-nëntor 2022 kapën vlerën 3,9 miliardë lekë, duke pësuar një rritje me rreth 9.96% krahasuar me të njëjtën periudhë të një viti më parë. Më specifikisht dëmi mesatar në zërin MTPL e brendshme nga 180 mijë lekë në vitin e shkuar, është ngjitur në 193 mijë lekë për këtë vit, me një ngritje prej 7.64%.
Ndërkaq, primet e sigurimit të detyrueshëm motorik, gjatë periudhës janar-nentor 2022 arritën rreth 11,6 miliardë lekë, ose 9.50% më shumë se në periudhën janar-nëntor 2021. Produkti MTPL e brendshme, në periudhën janar-nëntor 2022, pati një rritje prej 5.51% të vëllimit të primeve të shkruara bruto.
Kjo u shoqërua edhe me një rritje të numrit të kontratave prej 3.02% krahasuar me të njëjtën periudhë të një viti më parë. Produkti Karton Jeshil në periudhën janar-nëntor 2022 pati një rritje prej 38.85% të vëllimit të primeve të shkruara bruto. Kjo u shoqërua nga një rritje të numrit të kontratave prej 59.79% krahasuar me periudhën janar-nentor 2021.
Ndërsa produkti Sigurim Kufitar, në periudhën janar-nëntor 2022, pati një rritje 11.39% të vëllimit të primeve të shkruara bruto krahasuar me periudhën janar-nëntor 2021. Edhe numri i kontratave u rrit me 21.24%.
Lorenc Rabeta/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
