Sfidat e së ardhmes, aplikimi i strategjive të reja duke përqafuar më shumë inovacionin, por duke vendosur gjithë në qendër klientin, kanë qenë në fokus të forumit “Balfin Retail”, të organizuar për të tretin vit radhazi.
Gjatë fjalës së tij, zv.Presidenti në sektorin e tregtisë me pakicë në Grupin Balfin, Julian Mane, theksoi se vizioni është që kompanitë të shitjeve me pakicë si Neptun, Spar, Jumbo, FGA të rriten edhe më tej përmes qasjeve të reja.
Forumi mbledh të gjithë menaxherët kryesorë të shitjeve me pakicë të kompanive të Grupit BALFIN për të diskutuar strategjitë, për të shkëmbyer përvoja dhe për të propozuar ide të reja në funksion të rritjes dhe përmirësimit të shërbimit për klientët.
Në event u prezantuan kërkime të tregut global dhe shqiptar të tregtisë me pakicë nga ekspertë të fushës si dhe u ndanë eksperienca nga sipërmarrës të huaj dhe të suksesshëm në këtë sektor.
Elisabeta Dosku/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
