Kështu u shpreh në Business News eksperti për turizmin Ferjolt Ozuni, sipas të cilit vetëm në 5 vitet e fundit kanë filluar investimet për këtë sektor. Në Shqipëri, thekson ai, njësitë akomoduese janë AIRBNB dhe Booking, por shumë prej tyre nuk kanë bazën elementare për digjitalizimin.
“Inovacioni në turizëm është risi për tregun shqiptar 5 vitet e fundit kanë filluar investimet në digjitalizim, por jemi të fundit në rajon krahasuar me rajonin Greqinë, Malin e zi dhe Kroacinë, apo vendet që duam të kemi jo konkurrentë. Njësitë akomoduese janë AIRBNB dhe Booking, por kjo është vetëm maja e ajsbergut të digjitalizimit. Shumë njësi akomoduese nuk kanë faqen e internetit që është baza elementare e digjitalizimit dhe kjo lë shumë për të dëshiruar për vendin tonë”.
Sipas Ozunit, pamundësia e reklamimit digjital bën që turistët ta kenë të vështirë të gjejnë njësi akomoduese. Por kjo sipas tij vjen edhe për shkak të kostos së lartë të digjitalizimit. Disa prej kompanive të mëdha e kanë kryer por agjencitë e mesme dhe të vogla turistike e kanë të pamundur të përballojnë kostot e teknologjisë.
“Nuk ka mundësi reklamimi digjitale dhe turistët e ka të vështirë të gjejnë një njësi akomoduese përmes digjitalizimit. 5 vitet e fundit ka ndryshuar, por kosto e lartë e digjitalizimit e ka bërë të pamundur për një pjesë të njësive akomoduese dhe agjencitë turistike. Janë prezentë njwsitë akomoduese me 4-5 yje që kanë kryer investim të madh edhe në digjitalizim. Agjencitë e vogla e të mesme turistike e kanë të pamundur të përballojnë kostot e teknologjisë së informacionit sidomos pas pandemisë që ka rënduar bilancin e investimit”.
Pavarësisht kostos, Ozuni sugjeron që ky është një investim i domosdoshëm që kthehet mbrapsht në kohë jo afat shkurtër, si edhe ndihmon në formalizimin dhe shërbimet.
“Është investim i nevojshme që kthehet mbrapsht jo afatshkurtër. Prezenca digjitale është si një agjent që punon për njësinë akomoduese. Ka një rol të rëndësishëm se është më lehtësisht i kontrollueshëm si nga fiskalizimi dhe nga ana bashkiake, pro kjo kërkon investim edhe nga institucionet por formalizimi është një nga problematikat e tjera që ne kemi dhe po përpiqemi të rregullojmë përmes digjitalizimit. Digjitalizimi ndikon edhe negativisht nxjerr në pah aspektet negative të kompanive se janë klientët potencialë ata që lexojnë klientët aktualë. Digjitalizimi nxjerr në pah e imazhit dhe shërbimeve që i kemi dhe nuk kemi ditur t’i shfrytëzojmë. Sot pa digjitalizimin asnjë sektor nuk mund të funksionojë. Digjitalizimi dhe publiciteti nxjerr në pah ansamblin e industrisë turistike shqiptare pa pasur nevojë për reklamë qeveritare, por nga çdo operator”.
Ozuni u shpreh besimplotë për rritje të numrit të turistëve këtë vit ku shpreson të vijnë 7.5 milionë.
