Ndonëse ende një vend anëtar i Bashkimit Europian, Shqipëria tashmë është në përputhje me objektivat e energjisë së rinovueshme që Brukseli ka vendosur për vitin 2030. Për këtë objektiv të arritur nga Shqipëria, shumica e shteteve anëtare aktualisht janë ende duke luftuar, përfshijmë këtu dhe Italinë.
“Nëse Bashkimi Europian parashikon një pjesë të energjisë së konsumuar nga burimet e rinovueshme prej 42.5% deri në fund të dekadës, Tirana sot arrin nivelin e 44%.”, raporton media italiane EuropaToday.
“Siç e kemi thënë prodhimi i energjisë elektrike në vend është 100% nga burimet e rinovueshme. 44% është pjesa që ky prodhim i energjisë elektrike zë në konsumin total të energjisë në Republikën e Shqipërisë. Po nga se përbëhet konsumi total i energjisë?
Konsumi total i energjisë në vend përbëhet nga tërësia e energjiveë që përdoret, qoftë ajo elektrike por edhe energjia që vjen nga përdorimi i hidrokarbureve. Kjo arritje që e rendit Shqipërinë në mes vendeve më të përparuara të Bashkimit Europian ka ardhur si rezultat i strategjisë së qeverisë shqiptare për energjinë dhe klimën si dhe rezultat i strategjive në mbështetjen e burimeve të rinovueshme”, u shpreh Besjan Kadiu Drejtori i Përgjithshëm i Drejtorisë së Politikave të Energjisë.
Ndërkaq, vitin që lamë pas, pjesa e burimeve të rinovueshme në konsumin bruto të energjisë përfundimtare midis 27 vendeve anëtare të BE-së arriti në 23%. Por duke qëndruar brenda Bashkimit Europian, Suedia zë peshën më të lartë me 66%, e ndjekur nga Finlanda me 47.9%, ndërsa të dhënat e Eurostat tregojnë se vendet jashtë BE-së, Norvegjia del më 75.8%. E kësisoj, Shqipëria qëndron pas treshes skandinave.
Por nga ana tjetër, Italia, ka mbetur në nivelin e 19%, e duke shënuar një rënie krahasuar me vitin 2021.
“Kjo arritje që e rendit Shqipërinë në mes vendeve më të përparuara të Bashkimit Europian ka ardhur si rezultat i strategjisë së qeverisë shqiptare për energjinë dhe klimën si dhe rezultat i strategjive në mbështetjen e burimeve të rinovueshme”, u shpreh Kadiu.
Direktiva e re për energjinë e rinovueshme ka rishikuar objektivat e BE-së për energjinë e rinovueshme për vitin 2030 nga 32% në 42.5% – me synimin për ta rritur atë në 45%, sipas Institutit Europian të statistikave. Prandaj, vendet e BE-së duhet të shtojnë përpjekjet e tyre për të përmbushur kolektivisht objektivat e reja të BE-së për vitin 2030.
Diamila Leka /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
