30.5 C
Tirana
E hënë, 24 Qershor 2024

Shtetet me internetin më të shpejtë dhe më të ngadaltë në botë

Se sa shpejt hapet nje faqe interneti varet nga shumë faktorë të ndryshëm të cilë ndikojnë në mënyrë të drejtpërdrejtë ose të tërthortë në shpejtësinë me të cilën hapet një faqe interneti.

Duhen Lexuar

Prej vitesh bëhen studime rreth zonave gjeografike ku interneti është shumë i shpejtë apo dhe ku është shumë i ngadaltë. Në një analizë të fundit të kryer nga kompania britanike e telekomunikacionit Cable, rezulton se Europa Perëndimore ka shtetet me internetin më të shpejtë në botë për momentin. Ndërkohë vende të Amerikës latine si Argjentina, Kili apo Peruja sëbashku me pothuajse të gjithë vendet e Afrikës dhe Azisë jugore kane linjat e internetit me shpejtësinë më të ulët në botë.

Më saktë, në vendin e fundit për shpejtësinë e internetit gjendet Guinea Ekuatoriale (me 1.3mbps) e ndjekur nga Guinea-Bissau (1.24mbps), Etiopia (1.20mbps), Jemeni (0.68mbps) dhe Turmenistani (0.5mbps). Ndërsa në vend të pestë për shpejtësinë më të lartë të internetit gjendet Gjibraltari (me 151.34mbps) e ndjekur nga Andorra (164.66mbps), Islanda (191.83mbps), Liechtenstein (211.26mbps) dhe në vendin e pare Jersey, një ishull mes Anglisë e Francës është, me 274.27mbps.

Jersey është edhe zona e parë gjeografike e cila arrin të mbulojë me fibër obtike tek cdo banor ndërsa Liechtenstein rezulton të jeteë shteti me përqindjen më të lartë të përdoruesve të internetit në botë pasi 98% e 40.000 banorëve të tij përdorin internetin rregullisht çdo ditë. Islanda premton se do të çojë internet me shpejtësi të paktën 100mbps në çdo shtëpi dhe biznes dhe duket në rrugën e duhur; ndërsa 92% e banorët e shtetit të Andorës kanë akses në një infrastrukturë ultramoderne dhe të shumë shpejtë.

Studimi i matjeve të shpejtësisë së internetit me bandë të gjerë (broadband) në 224 vende dhe territore (221 vitin e kaluar) përgjatë periudhave të shumta 12-mujore ka lejuar studiuesit në fjalë të gjenerojmn statistika për shpejtësinë mesatare të përgjithshme për globin dhe të shohin se si ndryshon ky numër me kalimin e kohës. Lajmi i mirë është se shpejtësia mesatare globale vazhdon të rritet me shpejtësi.

Rajonet sipas shpejtësisë mesatare vjetore të internetit. Burimi: Cable.co.uk

Shpejtësia mesatare globale e internetit me bandë të gjerë e matur gjatë vitit 2017 ishte 7.40 Mbps, në vitin 2018 ishte 9.10 Mbps (me një rritje prej 23.35%), në vitin 2019 ishte 11.03 Mbps (me një rritje e mëtejshme prej 20.65% krahasuar me vitin 2018) dhe në vitin e kaluar (2020), mesatarja u rrit përsëri me 90% duke arritur në 24.83 Mbps – megjithëse duhet theksuar se pjesa më e madhe e kësaj rritje mund t’i atribuohet mjeteve dhe teknologjisë së matjes së përmirësuar që studiuesit kanë përdorur për mbledhjen e informacioneve dhe statistikave.

Këtë vit shpejtësia mesatare globale pritet të rritet sërish me 20% të tjera duke shkuar në 29.79 Mbps.

Për sa i përket rajonit tonë të Europës Lindore, janë studiuar dhe analizuar 16 vende, të cilat të gjitha janë në gjysmën e parë të tabelës, me Hungarinë që hyn në dhjetëshen e parë dhe gjashtë të tjera në 50 vendet e para. Në përgjithësi rajoni ka një mesatare prej 46.22 Mbps. Tre më të shpejtat ishin Hungaria (104.07 Mbps, e 10-ta), Rumania (67.40 Mbps, e 29-ta) dhe Sllovenia (67.20 Mbps, e 30-ta). Tre vendet më të ngadalta rezultojnë Maqedonia e Veriut (15.38 Mbps, e 107-ta), Shqipëria (19.36 Mbps, e 96-ta) dhe Kosova (22.21 Mbps, e 81-ta).

Duhet thënë që në Shqipëri në 5 vitet e fundit shtrirja gjeografike e ofruesve të internetit është zgjeruar dhe tashmë mbulohet pothuajse e gjithë Shqipëria me internet – edhe se jo me një teknologji jo fort të avancuar apo me shpejtësi të lartë. Kjo është vërtetë e çdutishme po të marrim parasysh që mespermes territorit të Shqipërisë kalon një nga HUB-et më të rëndësishme të fuirnizimit me internet të pjesës veriore të Europës Lindore, siç është Bullgaria apo Rumania, por që shkon dhe më tutje drejt Hungarisë Republikës Ceke apo Polonisë. Gjithashtu, nëse marrim për bazë dhe çmimet me të cilat ofrohet ky shërbim në Shqipëri, mund të themi se jemi një ndër shtetet me shërbimin e internetit më të shtrenjtë në Europë.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications