Rënia e ndjeshme e çmimeve të energjisë elektrike në tregjet ndërkombëtare ka sjellë efekte pozitive për një kategori abonentësh në Shqipëri. Janë klientët e lidhur në tensionin 35KV, që furnizohen nga OSHEE nën rolin e Furnizuesit të Mundësisë së Fundit, të cilët prej disa muajsh po e paguajnë më lirë energjinë.
Sipas të dhënave të përpunuara nga TV , rënia ka nisur në muajin mars të këtij viti duke ndjekur të njëjtën tendencë edhe në muajt në vijim.
Çmimi mesatar për vitin 2023 për periudhën janar – korrik të këtij viti arrin në 21.1 lekë/ kWh, ndërkohë që për të njëjtën periudhë të vitit 2022 ai ishte 31.3 lekë/ kWh apo 10.2 lekë/kWh më shtrenjtë. Për këta klinetë energjia sigurohet nga importi, çka bën që kjo kategori klientësh të ndikohet drejtpërdrejt nga luhjatjet në tregjet ndërkombëtare, teksa vitin që shkoi ishin abonentët më të prekur nga çmimet e larta.
Ndërkaq, sivjet çmimet e energjisë elektrike në tregjet ndërkombëtare kanë shënuar rënie të ndjeshme. Sipas të dhënave nga Bursa e Hungarisë, të përpunuara nga TV , në periudhën janar – gusht çmimi mesatar arriti në rreth 112 euro/mWh, një vlerë ndjeshëm më e ulët se viti që shkoi, ku për të njëtën periudhë çmimi mesatar përlogaritet në 273 euro/mWh.
Paralelisht, edhe kursi i këmbimit euro – lekë është një tjetër fackor, që ka zbutur nivelin e çmimit final të energjisë për abonentët që furnizohen nga Furnizuesi i Mundësisë së Fundit, duke qenës se është pjesë përbërë e formulës së përllogaritjes.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
