Inflacioni vjetor në Serbi rezultoi gati dy pikë përqindjeje më i lartë se parashikimi i Bankës Kombëtare të Serbisë (NBS), ndërsa pritshmëritë për rritjen ekonomike u ulën.
Guvernatorja Jorgovanka Tabaković tha se rritja me 36% e çmimeve të frutave në korrik krahasuar me vitin e kaluar ishte një nga faktorët kryesorë. Kushtet e motit, dielli gjatë dimrit, ngricat në pranverë dhe thatësira në fillim të verës, ulën prodhimin dhe rritën çmimet. Luleshtrydhet dhe qershitë shënuan rritjet më të mëdha.
Tabaković shtoi se inflacioni u ndikua edhe nga rritja e çmimeve në të gjitha kategoritë ushqimore dhe energjetike. Çmimi i energjisë elektrike për familjarët u rrit me 8% në nëntor 2024, ndërsa gazi me 10%. Për kompanitë, çmimet e energjisë elektrike në gjysmën e parë të 2025 ishin rreth 12% më të larta, duke ndikuar në çmimet ushqimore dhe inflacion.
NBS uli parashikimin për rritjen ekonomike në 3.5% për vitin 2025, nga 3.75% më parë. Rritja në tremujorin e parë dhe të dytë ishte 2%.
Postimi ” Inflacioni në Serbi, i nxitur nga çmimet e frutave dhe energjisë ” eshte marre nga Revista Monitor.
