29.5 C
Tirana
E enjte, 13 Qershor 2024

SCAN TV zbardh marrëveshjen me Italinë për pensionet – Dokumenti i firmosur nga dy ministrat. Si do të njihen kontributet?

Duhen Lexuar

Pas një përpjekje disa vjeçare, është finalizuar marrëveshja mes Italisë dhe Shqipërisë, për njohjen e periudhave kontributive për efekt pensioni.

Televizioni Scan ka siguruar një kopje të draftit të firmosur një ditë më parë, mes ministrit të jashtëm shqiptar dhe atij italian. Drafti është hartuar në 2022 dhe është thuajse i njejtë me atë të firmosur të martën nga përfaqësuesit e dy qeverive, pasi ndryshimet e bëra nuk prekin thelbin e përmbajtjes së tij.

“Nëse një person nuk ka të drejtën për një përfitim për shkak të periudhave të vlefshme, të pamjaftueshme sipas legjislacionit të një Pale, atëherë ajo Palë do të përcaktojë të drejtën  e atij personi për përfitim duke mbledhur periudhat e vlefshme  me kusht që këto periudha të mos mbivendosen”, specifikohet në nenin 12 të draft marrëveshjes.

Konkretisht, për të dalë në pension pleqërie në Itali duhet që të plotësohen 20 vite pune, ndërsa në Shqipëri pragu i vendosur është 15 vite pune. Në mënyrë hipotetike, një qytetarë shqiptarë që ka në total 36 vite pune, nga të cilat 22 vite në Itali dhe 16 në Shqipëri, do të marrë pension në Itali për 22 vite dhe në Shqipëri për 16 vite.

Drafti përcakton edhe kriteret në rastet kur nuk plotësohet pragu kontributiv në njërin shtet. Në këto raste, qytetarët do të përfitojnë vetëm pensionin në atë shtet ku plotësojnë kriterin apo kushtin e vjetërsisë në punë.

“Shuma e periudhave të sigurimit që do të merret në konsideratë duhet të përcaktohet në përputhje me legjislacionin e Palës tjetër, sipas të cilit janë plotësuar këto periudha sigurimi.  Kur e drejta për një pension ekziston sipas legjislacionit të një Pale, edhe pa zbatimin e paragrafëve 1 dhe 2 të këtij neni, pensioni do të përcaktohet nga institucioni kompetent i kësaj Pale në bazë të periudhave të sigurimit që do të merren parasysh sipas dispozitave të legjislacionit që ai administron”, theksohet në pikën 13 të draftit.

Përpara se marrëveshja të nis zbatimin duhet që fillimisht të ratifikohet në parlamentet respektivë. Për këtë do të duhet të kalojnë së paku edhe dy muaj të tjerë. Pas kësaj, pra pas ratifikimit dhe botimit në fletoren zyrtare do të nisë edhe zbatimi duke iu dhënë mundësinë emigrantëve të përfitojnë dy pensione, konkretisht një në Shqipëri dhe një në Itali. Në dispozitat kalimtare bëhet po ashtu e qartë se marrëveshja nuk ka fuqi prapavepruese, ç’ka do të thotë se ata të cilët janë aktualisht në pension nuk janë pjesë e saj, duke nënkuptuar  faktin qe perfitues jane vetëm ata që dalin rishtazi në pension.

Ada Hazizolli/

Dokumenti i plotë klikoni më poshtë:

Draft marrëveshje kuadër me Italinë


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications