Bashkimi Evropian ka vënë në dispozicion të Shqipërisë një fond prej 69.4 milion euro, në kuadër të Instrumentit të Asistencës së Paraaderimit, IPA III. Marrëveshja e financimit midis Komisionit Evropian dhe qeverisë shqiptare është miratuar dhe tashmë ka hyrë në fuqi. Sipas dokumentit, me këtë fond do të finacohen konkretisht programe ne 5 fusha kryesore, si drejtësia, të drejtat e pronësisë faza II, natyra, ekonomia qarkulluese dhe rritja e gjelbër, si dhe novacioni faza II.
Kjo marrëveshje ekzekutohet deri në 12 vjet pas miratimit dhe zbatimi operacinal parashikohet brenda 6 viteve nga nënshkrimi i saj. Por çfarë do të mbështetet konkretisht? Sipas dokumentit, në fushën e drejtësisë, do të mbështen autoritetet shqiptare nëpërmjet investimeve kyçe dhe ngritjes së kapaciteteve në zbatim të reformës në drejtësi, dhe rritjen e transparencës në sistemin e drejtësisë.
Në marrëveshje theksohet se pirotitet aktual i reformës në drejtësi është nevoja urgjente për modernizimin e teknologjisë së informacionit, në mënyrë që të gjenerohen statistika të nevojshme për ecurinë e funksionimit të gjykatave dhe organeve të tjera të drejtësisë. Për këtë fushë janë parashikuar të investohen 8 milionë euro.
Për programin e dytë, “BE-ja për të drejtat e pronësisë faza II”, parashikohet të investohen në total 10 milionë euro, të clat do të shkojnë në funksion të përmirësimit të infomacionit ligjor për të drejtat pronësore, i cili duhet të përditësohet, të bëhet i aksesueshëm për publikun, duke krijuar një regjistrim efikas dhe transparent të pronës dhe një sistem të integruar të menaxhimit të tokës.
Në programin e tretë, “BE-ja për natyrën”, planifikohet të investohen nga fondet e taksapaguesve europianë 6 milionë euro, me të cilat synohet që të paktën 25 për qind e territorit shqiptar (tokë dhe det) të jetë e mbrojtur dhe e ruajtur deri në vitin 2030, nëpërmjet krijimit dhe zbatimit të një sistemi efektiv të zonave të mbrojtura, ndërlidhjes së ekosistemeve dhe masave të tjera efektive të bazuara në zona.
Në programin e katërt, “BE-ja për ekonominë qarkulluese dhe rritjen e gjelbër”, do të shpenzohen 30.9 milionë euro, të cilat do të shkojnë për përmirësimin e mbrojtjes së mjedisit, mmbështetjen e infrastrukturës për mbetjet, si dhe angazhimin e komuniteteve dhe dhe sektorit privat për ekonominë qarkulluese dhe rritjen e gjelbër. Ndërsa për programin e pestë dhë të fundit, “BE-ja për novacionin”, Bashkimi Evropian financon 10 milionë euro.
Më këtë fond, do të mbështetet vendi ynë në përshpejtimin e transformimit drejt një ekonomie më novatore dhe bazuar në njohuri, me qëllim rritjen e konkurrueshmërisë. Konkretisht, do të investohet për ndryshimin e sistemit në mjedisin e biznesit, ekosistemin e novacionit dhe klimën e investimeve. Parashikohet konsolidimi i specializimit inteligjent, me qëllim të forcohet kërkimi shkencor, zhvillimi teknologjik dhe novacioni.
Elisabeta Dosku/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
