Në krahasim me të njëjtin muaj të 2019-s është vënë re një rritje me 15% në numrin e udhëtarvëve, ndërsa në raport me muajin Shtator të vitit 2020, kur vendi sapo bënte lëzivjet e para pas hapjes nga pandemia, numri i udhëtarëve është pothuajse trefishuar.
Nga të dhënat e vëna në dispozicion nga Autoritetit të Aviacionit Civil, vihet re një rritje e ndjeshme e fluturimeve charter, përmes të cilëve lëvizin turistët që vijnë në Shqipëri për qëllime turistike, por edhe e turistëve Shqiptarë të cilët udhëtojnë drejt destinacioneve të ndryshime turistike. Sipas insitucionit në fjalë, gjithsej fluturuan me charter-a 64 mijë pasagjerë, një rritje kjo me rreth 33% në krahasim me vitin 2019 dhe 327% më shumë krahasuar me Shtatorin e vitit të kaluar. Përmes fluturimeve charter janë kryer rreth 17% e totalit te fluturimeve në Shtator.
Në ndarjen e tregut sipas operatorëve ajrorë, pjesën më të madhe të tregut e merr WIZZ Air, i cili ka lëvizur rreth 40% të totalit të udhëtarëve, kjo edhe si rezultat i faktit se operatori hungarez i fluturimeve lowcost ka shtuar ndjeshëm destinacionet muajt e fundit duke pasur një mbulim më të gjerë të destinacioneve me nisje nga Shqipëria.
Nga informacionet e publikuara nga AAC bie në sy fakti se operatori i dytë më i madh i fluturimeve ajrore nga Shqipëria është Air Albania – edhe se në një distancë të konsiderueshme nga Wizz Air, Air Albania në shtator 2021 kishte rreth 9% të tregut.
Vendin e tretë e mbajti Albawings me 6% të tregut, ndërsa renditja vijon me Lufthansa po me 6% dhe Austrian Airlines me 4% të tregut.
Sëbashku me transportin tokësor të udhëtarëve, aviacioni civil ishte ndër sektoret më të goditur nga pandemia. Në vitin 2020 numri i udhëtarëve të cilët përdorën Aeroportin e Rinasit ra me mbi 60%, ndërkohë që tregu duket të jetë rikuperuar ndjeshëm këtë vit pasi duke filluar nga muaji gusht, numri i udhëtarëve po tejkalon dhe nivelet e para pandemisë.
