Meta përgatit valën e parë të pushimeve nga puna në historinë e saj: mijëra të pushuar në një javë. Wall Street Journal raporton se kompania synon të reduktojë kostot me 10% për shkak të krizës ekonomike dhe pasojat e unvestimeve në metavers.
Mark Zuckenberg vijon të këmbëngulë në strategjinë e përqendruar tek metaversi. Por basti mbi realitetin virtual mund të kthehet shumë shpejt në një valë pushimesh nga puna, për herë të parë në 18 vjet histori të asaj që sot quhet META.
Pas pushimit nga puna të gjysmës së të punësuarëve të Twitter, mund të jetë rradha e shoqërisë së Facebook, kompania e rradhës teknologjike që përzë mijëra persona. Sipas burimeve të Wall Street Journal pushimet nga puna do të konfirmohen në 9 nëntor, dhe do të përfshihen mijëra persona. Dhe pse një numër më i ulët në krahasim me personat e pushuar nga puna nga Musk në Twitter, mund të jetë gjithësesi numri më i madh i personave të dëbuar nga një kompani e madhe teknologjike në një vit ku është regjistruar një tkurrje e sektorit.
Në muajin shtator të këtij viti, kompania deklaronte se kishte 87 mijë të punësuar dhe sipas mediave amerikane, që atëherë mendohej për një reduktim të shpenzimeve prej 10%. Në mbledhjen e fundit të tremujorit, Zuckerberg theksoi se Meta po përqendrohet në disa zona që kanë potencial të lartë zhvillimi. Kjo deklaratë u interpetua si një tregues se Meta nuk planifikon të bëjë hapa prapa në investimet e saj në projektet lidhur me metaversin.
Njësoj si kompanitë e tjera të mëdha teknologjike, Meta ka punësuar shumë persona brenda një kohe të shkurtër pas përfundimit të pandemisë së Covid. Në vitin 2020 – 2021 u punësuan 27 mijë persona. Ndërsa në nëntë muajt e parë të këtij viti u punësuan 15 mijë të tjerë.
Ndërkohë pasi pushoi nga puna pothuajse gjysmën e personelit, Twitter aktualisht po kontakton me dhjetëra persona që humbën punën e tyre duke iu kërkuar atyre të rikthehen. Lajmi është raportuar nga Bloomberg. Disa prej tyre janë pushuar nga puna gabimisht. Të tjerë janë larguar nga vendi i punës para se drejtuesit të kuptonin se puna dhe eksperienca e tyre mund të ishin të domosdoshme për të ndërtuar funksionet e reja të rrjetit social, të kërkuara nga pronari i ri Elon Musk.
SCAN
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
