Çmimet e naftës pësuan ulje, si pasojë e një dollari më të fortë, ndërsa rastet në rritje me infektime me Covid në Kinë, shuan shpresat për një rihapje të shpejtë të ekonomisë për importuesin më të madh në botë të naftës së papërpunuar
Kontratat e së ardhmes së naftës së papërnuar Brent ranë me 1.01 dollarë ose 1.1%, në 94.98 dollarë për fuçi, ndërsa ato të Teksasit Perëndimor me 1.11 dollarë, në 87.85 dollarë për fuçi.
Sipas ekspertëve forca e dollarit amerikan duket se po rëndon mbi naftën dhe tek një spektër i gjerë mallrash njëkohësisht.
Çmimet e mallrave pësuan rritje pak ditë më parë, pasi komisioni kombëtar i shëndetit në Kinë përditësoi masat për parandalimin dhe mbajtjen nën kontroll të Covid, për të shkurtuar kohën e karantinës për kontaktet e ngushta të rasteve dhe udhëtarëve që hyjnë në vend.
Por rastet me Covid 19, pësuan rritje në Kinë gjatë fundjavës, me Pekinin dhe qytetet e tjera të madha që raportuan shifra rekord infektimesh të reja.
Kërkesa e Kinës për naftë nga eksportuesi kryesor, Arabia Saudite, mbeti gjithashtu e dobët, me disa rafineri që kërkuan më pak naftë të papërpunuar në muajin dhjetor.
Nga ana e saj sekretarja amerikane e thesarit Janet Yellen u shpreh se India mund të vazhdojë të blejë sa më shumë naftë ruse që dëshiron, pavarësisht kufirin e cmimit të vendosur nga G7, vetëm në momentin që largohet nga siguria, fimamcimi dhe shërbimet detare perëndimore.
Fed mund të marrë në konsideratë ngadalësimin e ritmit të rritjes së normës të interesit në mbledhjen e rradhës, por kjo gjë nuk duhet parë si një zbutje në përpjekjet për uljen e inflacionit.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
